Psa 49 | VulgJ | STEP | psalmus Asaph Deus deorum Dominus locutus est et vocavit terram a solis ortu usque ad occasum canticum Asaph fortis Deus Dominus locutus est et vocavit terram ab ortu solis usque ad occasum eius

Psalms 49

1 psalmus Asaph Deus deorum Dominus locutus est et vocavit terram a solis ortu usque ad occasum ^va 2 ex Sion species decoris eius ^va 3 Deus manifeste veniet Deus noster et non silebit ignis in conspectu eius exardescet et in circuitu eius tempestas valida ^va 4 advocabit caelum desursum et terram discernere populum suum ^va 5 congregate illi sanctos eius qui ordinant testamentum eius super sacrificia ^va 6 et adnuntiabunt caeli iustitiam eius quoniam Deus iudex est diapsalma ^va 7 audi populus meus et loquar tibi Israhel et testificabor tibi Deus Deus tuus ego sum ^va 8 non in sacrificiis tuis arguam te holocausta autem tua in conspectu meo sunt semper ^va 9 non accipiam de domo tua vitulos neque de gregibus tuis hircos ^va 10 quoniam meae sunt omnes ferae silvarum iumenta in montibus et boves ^va 11 cognovi omnia volatilia caeli et pulchritudo agri mecum est ^va 12 si esuriero non dicam tibi meus est enim orbis terrae et plenitudo eius ^va 13 numquid manducabo carnes taurorum aut sanguinem hircorum potabo ^va 14 immola Deo sacrificium laudis et redde Altissimo vota tua ^va 15 et invoca me in die tribulationis et eruam te et honorificabis me diapsalma ^va 16 peccatori autem dixit Deus quare tu enarras iustitias meas et adsumis testamentum meum per os tuum ^va 17 tu vero odisti disciplinam et proiecisti sermones meos retrorsum ^va 18 si videbas furem currebas cum eo et cum adulteris portionem tuam ponebas ^va 19 os tuum abundavit malitia et lingua tua concinnabat dolos ^va 20 sedens adversus fratrem tuum loquebaris et adversus filium matris tuae ponebas scandalum ^va 21 haec fecisti et tacui existimasti inique quod ero tui similis arguam te et statuam contra faciem tuam ^va 22 intellegite nunc haec qui obliviscimini Deum nequando rapiat et non sit qui eripiat ^va 23 sacrificium laudis honorificabit me et illic iter quod ostendam illi salutare Dei

^va